今個星期睇咩戲 睇出人生意義

話咁快又星期四,又到新片介紹時間……即係就嚟Happy Friday,跳起yeah!其實由幾時開始返工變成受罪?工作無滿足感又展現唔到自己才能,只係為左2餐嘅無可奈何?如果感覺人生無咩方向,不妨睇下今個星期新片,思考下工作嘅意義。

工作=使命:《我的破嗝Miss》、《緊急救命 劇場版

近年印度有唔少賣座又熱血嘅電影,今次《我的破嗝Miss》(Hichki) 講述患有妥瑞症(Tourette Syndrome) 的拉娜夢想成為老師,可惜因為呢個病會令佢經常不由自主地抽搐及打嗝而影響教學。在多番求職被拒後,她終於喺名校獲得教席,儘管拉娜的缺陷令她成為眾人笑柄,但無改她春風化雨的決心。

電影係改編自美國真人真事,自知天生不足要比其他人更努力,不過做到「我的志願」人生可以好滿足,故事主人翁除左係「年度教師」仲係暢銷作家同演講家。做對的工作,個天唔會待薄你。當然,仲要付出努力同決心先夠。

《緊急救命 劇場版》

由2008年嘅日劇Code Blue到今日電影版,10年來睇住藍沢耕作醫生(山下智久 飾)、白石惠醫生 (新垣結衣 飾)、緋山美帆子(戸田恵梨香 飾)的空中拯救隊,由實習醫生開始做到依家成為獨當一面嘅醫生。幾個成日都遇到急症或者大災難,其實都幾辛苦,不過佢地無放棄,無裸辭無轉行,毅力令人配服!

返工要有Team Work:《逆向誘拐》、《大君主之役

《逆向誘拐》改編自2013年台灣島田莊司推理小說比賽的同名冠軍作品,由《點對點》導演黃浩然操刀。小儒(蘇麗珊飾)為投資銀行客戶財務分析趕工,檔案竟在網上被盜,電腦部同事阿植(吳肇軒飾)遍尋不獲。老闆 John(王敏德飾)收到勒索電郵,要求聽從指令,三日內交 19 萬超低贖金,否則公開財務分析。

小儒上司 Irene(張雪芹飾)為保客戶股價,找來警察前夫唐輔(邵仲衡飾)低調調查:而分析員牧野(朱鑑然飾)一度失蹤、客戶技術總監 Zachary(泰臣飾)不歡離職,個個都嫌疑極大。最終邊個係匪徒,你入場睇先知,不過換轉喺一間無team work、同事關係極差嘅公司,有事無人理同幫手,真係幾絕望下。

《大君主之役》 (Overload)

二戰時期盟軍登陸諾曼第前夕,一隊美軍傘兵深入被納粹佔領嘅法國小鎮執行任務,拼死輔助盟軍反擊。抵達目的地時,發現小鎮並非一個普通軍事據點,竟藏著納粹最瘋狂、最可怕的軍事實驗!無辜村民慘變科研白老鼠,變種仲兇猛過喪屍,要保命仲要執行命令徹底摧毀實驗,呢隊傘兵只能互相倚靠!

工作唔順利,或者愛情可以調劑下:

緣來靠八哥》、 《再見。我的初戀

失業又失戀的中學教師莎拉(碧蒂艾曼遜 飾),因為照顧為食又咬爛野嘅八哥犬Patrick,日日放狗而意外識到2位型男:自信幽默的獸醫奧利華(艾德斯克林 飾)及愛狗型男阿彬(湯姆班納 飾)。搵到男朋友心花怒放,跟手有工返,人生開始順返哂!

Patrick實在好可愛,各位有時間不妨做下動物義工,幫下無家毛孩,你可能會發現其實返工啲怨屈都唔係咁大件事~「做到隻狗咁」呢句晦氣說話,可能當堂講唔出。

《再見。我的初戀》

故事講述高中最後一個夏天,黃優延(金英光 飾)對轉學生桓勝熙(朴寶英 飾)一見鍾情。在優延的窮追不捨、即將和勝熙成為人人稱羨的一對時,勝熙一個電話講拜拜,之後就無哂影。

優延為左勝熙,用1年時間發奮讀書考入同一間大學。不過,勝熙已經頭也不回識左第2個!就係咁2個人初戀分手,各自忙碌,再次相遇嘅故事。到底係咪韓式拿手暗藏催淚元素嘅愛情片?咪嘞,帶定手巾仔入場先……變咗《屍殺列車》都叫有嘢遮下眼。

放手先會擁有更多《生生》

男童生生 (吳至璿 飾) 的哥哥去世,媽媽逃避工作,決意搬家,生生擔起整理哥哥遺物的大任。接手哥哥手機的他,意外發現哥哥追蹤一位網路直播的老奶奶莉莉 (鮑起靜 飾)。被醫生判斷人生只剩三個月的莉莉,不顧女兒反對拒絕化療,誇口要任性地「活過一百天」!

莉莉駕著自己的計程車邊走邊玩,透過直播,令不少網友的生活變得熱鬧。《生生》教大家學習道別,面對生死,其實做人好多時侯都係一念之間,生死大課題要學習,日常生活小事更加要學習。唔好俾份工埋活左自已嘅天性,變得苦口苦面,做自己先係硬道理!