今個星期睇咩戲 泰國片天下!

今個星期可以話係泰國片天下,分別有《出貓特攻隊》靚仔James新片《寄身100天》,又有泰國拿手鬼片、改編自古老傳說「鬼妻」嘅《鬼妻勿語》,最後仲有「十年國際計劃」作品《十年泰國》,3套唔同題材唔同類型但同樣吸引!

今個星期會有選擇困難,除左幾套泰國電影,其他新片都好精彩,例如匯聚好戲之人嘅《剋.寡婦》同肉博連場嘅《娼年》,睇嚟要好好計劃下觀影時間表,仲要開行turbo做嘢,務求早啲收工去睇戲!

泰國代表:《寄身100天》、《鬼妻勿語》、《十年泰國》

《寄身100天》簡單講係借屍還魂嘅故事,題材唔陌生不過點樣講得有趣就好高難度!電影借高中生明(Teeradon Supapunpinyo飾)回魂一事,以明身份過生活,重新感受親情、友情及愛情,並要於100天內搵出明真正死因。電影由《出貓特攻隊》班底泡製,相信唔止借屍還魂咁簡單!

《鬼妻勿語》改編自泰國古老傳說「鬼妻娜娜」難產致死但因為深愛丈夫而陰魂不散嘅故事,今次變成現代青春版,男女主角由夫妻變成遭家人反對嘅高中生,背景亦由農村移至高樓大廈。計我話,年紀同時代唔重要,夠驚嚇先緊要!不過樓奴生活艱難,為左保住層樓嘅價值係唔會俾楝樓鬧鬼嘅!錢銀面前,厲鬼都無得發惡!

「十年國際計劃」《十年泰國》集合了泰國當今影壇三位資深導演和一位新晉導演,以泰國在軍政府控制下的未來為題,炮製了四部短片,諷刺逐漸被箝制的言論與創作自由的現況,分別為鹿特丹影展金虎獎得主阿狄阿薩拉執導的《Sunset》,講述士兵調查藝術展覽的故事;韋西沙贊那庭執導的《Catopia》,描繪貓人當道,殺害人類異己;新晉電影導演朱拉蘭尼色里執導的《Planetarium》,以獨裁者捉拿異見人士為背景;《Song of the City》由康城影展金棕櫚獎得主阿彼察邦韋拉斯花古執導,刻劃出未來人在安眠機幫助下舒適愜意的生活。

Girl Power 女人當道:《移動城市:致命引擎》、《剋.寡婦》

由《魔戒》系列班底打造,《移動城市:致命引擎》講述神祕女逃犯Hester Shaw(Hera Hilmar飾)聯同移動地市低下階層嘅Tom Natsowrthy (Robert Sheehan飾)及通輯犯Anna Fang (Jihae 飾)結為盟友,一同對抗於地球橫行破壞嘅移動城市。奇幻英雄故事荷里活拍左唔少,今次英雄由女人擔任,展現身型嬌小但力量強大,一樣可以改變世界!

《剋.寡婦》(Widows)戲內Viola Davis講左句 “coz no one thinks we have the guts to do it“,非常得我心。話說四名喪心病狂悍匪被殺身亡(其中一個老公由《救參96小時》動作巨星Liam Neeson飾演),留低蘇州屎俾老婆,令她們身陷絕境。這四個本來毫無交集的寡婦,因為Viola呢句說話,接手匪徒老公未完成計劃,攞哂槍做大茶飯!4位寡婦一樣膽大又兇狠,飛車爆破場面樣樣齊!

心靈雞湯:《娼年》、《生命中的美好意外

《娼年》改編自日本知名作家石田衣良同名戀愛小說,以肉體解放靈魂。森中領(松坂桃李 飾)是個平凡的20歲男大生,下海做男妓,隨著與不同的女性接觸,有老有嫩有人妻,雖然有大量性愛鏡頭同肉體,但絕對唔係咸片!阿領用身體釋放了客人內心所蘊藏的慾望,療癒她們受傷的心。如果感官過份受到刺激,可以睇多次,感受佢治癒心靈嘅力量……

《生命中的美好意外》由美國大熱劇集《This is Us》班底打造,講述親情、愛情仲有唔喊位,套戲評價都幾兩極,事緣影評劣評俾超低分,但班觀眾好like覺得好感動下!其實有睇過《This is Us》都知劇情有啲灑狗血,不過易代入跟住喊同笑!《生命中的美好意外》都唔例外,5個故事,80後戀人偉與艾比、身處西班牙嘅查維同伊莎貝、夾band少女等人交織嘅故事。

其他:《劇場版 夏目友人帳~緣結空蟬

原著漫畫連載有10年以上,未睇過漫畫都可能覺得妖怪貓老熟口熟面,今次係第一個劇場版,講述有靈異體質嘅夏目貴志遇見外婆玲子嘅舊朋友-津村容莉枝女士。她居住的小鎮似乎潛伏著神秘的妖怪,夏目為了查明真相前往調查,卻沒想到附在貓咪老師體內的「妖怪種子」在藤原家的庭園中萌芽,並在一夜之間長成一棵大樹結了果實。而貓咪老師吃下果實後,更分裂成三隻!到底是怎麼一回事?