今個星期睇咩戲 暑假檔前熱身戰

5月尾各大公司開始為暑假檔舖路,熱定身!今個星期嘅新片都幾夢幻,打頭陣有迪士尼出品《阿拉丁》,茱莉公主深得小朋友喜愛,大人睇亦一樣吸引,今期由佢跑出無走雞!仲有《五月天人生無限公司》3D登場,對五月天迷嚟講係一大盛事,無開場已經興奮!同期仲有愛情喜劇、恐怖片上映,數量未至於多但叫做有得揀!

《阿拉丁》

追求自由的茉莉公主(Naomi Scott飾)逃出皇宮,邂逅了街頭小子阿拉丁(Mena Massoud飾)。阿拉丁卻被邪惡大臣賈方捉走,要他去魔法洞穴盜取神燈。阿拉丁在洞穴裡遇上神燈精靈(Will Smith飾),獲許三個願望,讓他化身成為王子,與茉莉公主展開飛天遁地的歷險,更聯同燈神一起對付賈方!

「迪士尼」呢個招牌等如合家歡首選,夠啦。

《魔童》

Tori與丈夫Kyle一直希望有個小孩。一天,一個神秘男嬰乘坐外星飛船從天而降,Tori將他視為上天給她的恩賜撫養長大。Brandon是一個非常聰明、好奇心強的男孩,但當他逐漸長大,詭秘的事情開始發生……當Tori察覺到異常時,穿上斗蓬、戴上面具的班頓已在小鎮四出尋找目標。Tori口中「與眾不同」的他,如果不是拯救萬民的超級英雄,難道是邪惡的暗黑開端?

恐怖片越嚟越難拍,所以要扭橋再扭橋?《魔童》故事似足鬼片,但個細路唔係俾邪靈上身……而係外星人?

《索爆高低戀》

一個橫衝直撞牢騷固執自理能力低的記者發范斯基(Fred Flarsky),與魅力非凡一人之下萬人之上女神級國務卿夏樂菲(Charlotte Field),原來有過那些年的「一段情」!現在,機會來了,失業佬多年後遇上女高官,更獲聘為私人撰稿專員,究竟,愛情的不可抗力能否跟國家大事匹敵?

Charlize Theron做女強人固然好睇,遇上Seth Rogen呢類大細路麻甩佬,感覺幾離奇,現實都唔似會發生。唔係因為身份緣殊,而係Seth Rogen嗰種婆媽兼口水多多嘅Kidult其實好難頂。

《友誼永錮》

經歷喪母之痛的少女Frances(Chloe Grace Moretz 飾)剛移居紐約,在地鐵上撿到一個手袋,物歸原主時結識了鋼琴老師Greta(Isabelle Huppert飾),各有心傷的二人一見如故,成為形影不離的忘年摯友。Frances因發現Greta優雅背後的恐怖秘密而決心跟Greta絕交,Greta卻瘋狂地纏繞,觸發連串毛骨悚然的深層恐懼……

法國影后Isabelle Huppert再次同鋼琴結緣,可惜無咩戲好做,阿姐應該瞓住覺演都搞得掂。雖然故事平平無奇,但因為Huppert姐點都會入場睇!

《五月天人生無限公司》

「人生無限公司」演唱會故事以四個橋段串接,五月天粉墨出演具有超能力救世英雄,組成一支菁英戰隊第五分隊。

怪獸飾演紅色盔甲身手矯健的 Mr. Monster;石頭飾演堅硬如石的 Lonely Stone;冠佑飾演搞笑運氣又超好的十字弓射手 Mini Ming,瑪莎飾演尖酸幽默坐擁重裝軍火的地獄貓 Hell Kitty;阿信則飾演有著魔法超能力,天才慧黠的 Honey Potter。

五人歷經大戰後回到「今日魯蛇唱片行」,過著話當年的平凡生活,直到長官現身「重新召集大家」。但是當超人不再拯救地球,長官該如何說服一群空有特異功能的中年魯蛇,如何「重新訓練與迎戰」,運用有限人生與無限友情,找出生命的大無限?

搖滾天團一向好玩得,今次跨界大銀幕用電影模式同大家打打氣,都幾sweet!佢地演唱會一票難求,變成演唱會電影都一樣咁難買飛。頭先上網一睇,喂!好多場次都爆咗啦喎!