今個星期睇咩戲 情人節得一套愛情片?!

新正頭仲未過,情人節又嚟,不過農曆檔期中西猛片票房走勢仍然強勁,所以今個星期情人節唔多新片上畫,竟然得一套應節愛情片!唔通依家情人節唔興睇戲?

冰天動地

奈斯(Nels,Liam Neeson 飾)一家人住在平靜的滑雪小鎮,一直安守本份嘅佢更獲頒年度好市民獎。一日奈斯嘅兒子被當地大毒梟維京點錯相所殺,奈斯爆seed,帶埋周身重型裝備,決定要將黑幫人物逐層隊冧!

手下被殺的維京,誤以為是另一陀地黑幫白牛所為,於是殺了白牛寶貝仔「報復」。紅番幫眾盛怒下傾巢而出,追撃維京兒子尋仇。奈斯的私人恩怨,最後無啦啦升級成江湖家族大仇殺。

救完女之後,宇宙最打得老豆今次為仔報仇,唔好問點解一個普通老豆可以咁勇猛,總之包你睇得肉緊!不過,Liam Neeson最近做訪問時講咗單後生時想對黑人報仇嘅往事就引起軒然大波,因為牽涉歧視同hate crime令新片被外國網民抵制!

仁妻

改編自《紐約時報》暢銷作家同名小說,知名作家祖(Jonathan Pryce 飾) 和妻子鍾(Glenn Close 飾) 結婚40餘年,是文壇中的模範夫妻,然而一切由祖獲諾貝爾文學獎的消息之始而瓦解。一直隱藏才華,為丈夫幕後代筆的鍾,眼見祖理所當然地接受所有榮耀,她再也無法確定自己默默犧牲、躲在背後成就丈夫的一切是否值得……

故事同即將上映嘅《寫我華麗緣》類似,女人由上世紀到依家都仲未可以同男人平起平坐,令人沮喪!Glenn Close憑《仁妻》榮獲金球獎最佳女主角,想知佢勝出原因就一定要入場睇,因為佢拎金像獎影后嘅呼聲都幾高。

邊境奇聞

在邊境小鎮任職海關的天娜有一項不尋常的「嗅覺天賦」:她能嗅出人們內心的羞恥、害怕和罪惡感。在一次從旅客的手機中「聞出」含有兒童色情影片後,她被長官高度賞賜並派去追查國際兒童色情犯罪。然而在工作成就之外,天娜因醜陋的面貌與充滿疤痕的身體讓她充滿自卑而離群索居,直到遇上一樣其貌不揚並擁有相同嗅覺天賦的禾尼,他身上一股難以辨識的「味道」挑戰了天娜的直覺,卻也同時深深吸引著她,難以言喻的魅力在兩人之間發酵,隨著特殊天賦和家庭暴力的揭露逐漸濃罩天娜,讓她不禁懷疑自己身份秘密和原始本相。

之前我地介紹過,女主角成塊面都有特技化妝,基本上靠個嘴演戲,好勁吓!不過,提一提大家,男女主角都有驚天動地性愛場面,據聞都幾前所未見!

一吻定情

江直樹 (王大陸 飾),A級的家世,A﹢級的外貌,A﹢﹢級的天才智商,是來自A班的「Ace級王牌」;原湘琴 (林允 飾),頭腦差、廚藝更差、運動更不行,是來自F班的包尾學生。開學第一天,原湘琴就撞上了備受千萬少女愛慕的校草江直樹。從這個意外之吻開始,原湘琴就對江直樹開始了不可能的單戀。

雖然叫《一吻定情》其實係《惡作劇之吻》電影版,故事被拍過無數次,日本、泰國、韓國、台灣都拍過電視劇,最經典當然係林依晨同鄭元暢嘅版本,今次到王大陸做直樹,講唔出有幾浪漫,不過叫做唯一情人節應節電影!

以上幾套唔啱睇?今個星期仲有套動畫《機動戰士高達NT》,情人節無一堆愛情片,其實都幾refreshing,嘻!