今個星期睇咩戲 《復仇者聯盟》又上 定係Annabelle得人驚啲?

近日事情太多,一個唔留神又過咗個星期,我好強烈建議大家於百忙之中抽23個小時入戲院睇場戲,俾自己放空一下、充下電,養足精神再努力過!再者,電影係集創意工業,集世界人材嘅腦汁結集而成,睇戲有機會啟發新想法,開出人生新方向。

《詭娃安娜貝爾:回家》

為了防止詭娃安娜貝爾再次作惡,靈探艾德和羅琳華倫夫婦將她鎖於他們家中的靈異博物館,詭娃被放置在祝聖了的玻璃櫃內,並受到神父的祝聖。可是,在一個可怕的晚上,安娜貝爾喚醒了館內其他惡靈,他們的目標全都指向華倫夫婦年僅10歲的女兒Judy,與及她的朋友。

近年成功電影宣傳案例一定有安娜貝爾份,不難發現電影公司將佢包裝成真明星,喺全球名勝景點打卡post ig,明明係鬼片,但又不失笑點,成功幫佢打開知名度,你見萬聖節通街都係安娜貝爾就知佢有幾紅!

《漫長的告別》

年邁父親昇平(山﨑努 飾)患上認知障礙症後,母親曜子(松原智惠子 飾)對丈夫不離不棄努力維繫著家庭。他們的兩個女兒,長女麻里(竹內結子 飾)因為丈夫工作關係,和兒子崇(蒲田優惟人 飾)一起移居美國,難以習慣異地生活,與丈夫兒子關係亦漸淡如水 次女芙美(蒼井優 飾)身邊人兜兜轉轉,為圓開餐廳夢勞勞碌碌。

一家人各有煩惱,但在陪伴父親的最後七年時光,讓她們重新感受親情,從而改變了人生。告別是漫長的,回憶褪色,愛仍存心中。

香港老人問題嚴重,有唔少患有認知障礙嘅老人就算入咗老人院都無得到適當嘅照顧,少數有家人陪伴,昇平一家其實幾幸福,至少可以一家人安安穩穩齊齊整整過生活。

《復仇者聯盟4:終局之戰》

魁隆彈指間毀滅宇宙一半生命後,僅存的復仇者成員必須終極集結,團結一致視死如歸,為僅存的信念而戰以逆轉滅霸所造成的局面,徹底恢復宇宙的秩序。

你無睇錯,我無回帶,真係《復4》。個結局一樣不過多咗全新片段,呢個賣點夠哂啦?