人靚心善!直擊袁詠儀街頭助長者

東方新地 - 娛聞

90年入行選港姐、當選冠軍做過兩屆金像影后,經歷過事 業巔峰再遇上另一半張智霖成為圈中公認最完美CP,入行29 年的袁詠儀近年主打北上參與綜藝節目賺人仔,一向惜肉如金 早前為內地雜誌拍攝時尚大片難得真空DEEP V上陣前所未有 咁性感,連老公Chilam都讚老婆「一向有料,禾稈冚珍珠!」 點止樣靚身材正,靚靚最靚其實係心地!日前留港消費 shopping得興起時遇著老伯伯失足跌到,即時扶起伯伯、溫 柔安撫、然後親手安置到安全地方,貼心舉動當下成為香港 地街頭一道最美風景!

撰文:東方新地 圖片:新傳媒圖片

直擊袁詠儀街頭助長者

十八歲入行一早已經登上事業巔峰、十八年前結婚一直幸福美滿,近年的袁詠儀 除咗半退休做Chilam背後女人陪伴囝囝魔童成長,主打都係食住道勢北上拍綜藝騷賺 人仔。工時不多、天價酬勞,最開心都係北上搵完銀然後留港消費,不停在內地真人 騷露面之外,靚靚最常都係被拍到與Chilam在香港街頭遊走,談談情歎hightea再購購 物!日前又見素顏靚靚去到最愛的銅鑼灣區,先去連卡佛睇完床上用品、再買潮爆美 國名牌書枱燈,跟手移師去Chilam老友沈嘉偉名下品牌再為老公囝囝物色新裝,買 到興起不亦樂乎。

入行 29年的 袁詠儀果然係永 恒的港姐冠軍,近 年成功修身保養得 宜,素顏出街一樣 掂。
人靚心更靚,日前去到銅鑼灣購物途中,遇著老人家失足跌到, 靚靚第一時間飛撲去扶一把。

 

熱心市民一幫到尾

靚靚最愛血拼買得專注,但不代表對身邊的事視而不見,離開商場電梯一落地 面不久,不遠處就見一個白髮蒼蒼、年約七十的老伯伯失足跌到,附近行人有人駐 足嘩然、亦有四個熱心途人第一時間圍上幫忙,其中一個就係靚靚。只見靚靚先用 力扶起老人,面上表情從驚慌變溫柔,細聲安慰再詢問傷勢,知道無大礙時,都係 靚靚果斷提議,扶伯伯到附近時裝店內小休,免被暴曬,又可以歇一歇腳再做下一 步打算。

一齊熱心幫手的除了靚靚、仲有黑衣售貨員及兩名疑似遊客,言語不 通又見伯伯無表面傷痕,遊客先行離開,由靚靚及男售貨員扶起伯伯。

扶老伯伯到路邊後,靚靚一臉關愛細心詢問伯伯傷勢及身體狀況,知道伯伯並無大礙,靚 靚再把伯伯扶到時裝店內暫坐一會。

其實離開商場前,靚靚先行撥過電話,原來通知廿四孝老公Chilam隨時候 命等待接老婆,雖然老公已經受召將座駕駛到附近,靚靚寧願由得Chilam繼續呆等 兜多幾圈,都要堅持扶實伯伯、陪到最後,知道伯伯無大礙後,才放心離去!

有咩美滿得過北上賺完人仔再留港刺激消費,意外之前靚靚買到 興起,睇完床上用品又睇潮牌燈飾。

原來唔止靚靚一個行街,同場仲有Chilam 駕車候命 等接老婆,聽完靚靚電話準時在附近守候,廿四孝 老公做到足。

買完家庭用品,再去沈嘉偉旗下潮店睇男裝,唔使 講,梗係買畀老公 Chilam 。

行轉街買到一袋二袋要勞煩有份扶伯伯的 男售貨員幫手抬上車。靚靚呢日大豐收又 做咗熱心市民,認真圓滿。

近年 Chilam 主打拍電影、靚靚就專攻內地電視節目 賺人仔,性格爽朗直腸直肚,因此人氣急升, 日前難得性感拍埋雜誌封面,更被老公大讚係有料 之人。

夫妻檔拍住上成為最受歡迎明星夫妻,所以訪談、真人騷、 親子教養節目上不停。

延伸閱讀:

《白色強人》向經典電影《癲佬正傳》致敬 方紹聰演精神病人直闖幼稚園

《切爾諾貝爾:傷心的兒童》(Chernobyl)成IMDb史上最高分劇集!主編Craig Mazin第二季將會…….