【人生贏家】有樣有學歷有家底 何猷君被網民追捧成男神

好多人都知賭王何鴻燊同四太梁安琪生嘅仔何猷君自細就數學天才,18歲同時攞到牛津大學與麻省理工學院嘅錄取通知,更以21歲史上最年輕之齡入讀麻省理工學院攻讀金融碩士。

現年22歳嘅何猷君,近排開始返內地發展,成為大陸綜藝節目常客, 喺《我是未來》、《一話到底》及《愛的時差》等都有份參與。早前更喺益智競賽綜藝節目《一站到底》,憑住自己超強實力最終成為新一期冠軍。節目片段立即喺網絡瘋傳,唔少女士睇完都封佢做男神,大讚佢靚仔丶有錢丶又有學歷,簡值係城中筍盤。

《一站到底》係一個知識問答比賽,參賽者來自唔同職業、背景,大家係限定時間內以搶答決勝負。題目類型超級多元化,基本上上至天文地理,下至娛樂事件都有。何猷君嘅對手都一啲都唔簡單,唔係天才就係學霸,但何猷君憑住超高嘅智商,無論係數學公式,又或者係人生哲理,最終順利地打低對手一站到底。