人妻完美K.O.「脫粉潮」

東方日報
鍾欣潼

阿嬌藉《我和星星有個約會》幫粉絲圓夢,而她能夠實現做藝人的夢想,更是令人羨慕!多年來外間以訛傳訛,指阿嬌當年在英皇任職接待員,因外貌標致而被簽做明星,她今次親自拆解多年謎團:「唔係啦!係嗰時英皇透過模特兒公司想搵新人,有人介紹我去見嘅!」問到現時有何夢想?她說:「當然係想喺電影上面攞到獎,至於邊個能夠幫我實現夢想?都需要好多方面,首先要靠自己努力,第二要靠運氣,遇到好劇本、好導演同編劇團隊,所以,最後要靠公司去物色喇。」

她去年由女神變「人妻」,與台灣醫界男神賴弘國結婚,正當大家擔心有「脫粉潮」時,其人氣反而有增無減,阿嬌笑說:「冇喎,反而嘗試到好多唔同嘅工作,同埋品牌活動邀請,所以都多謝大家對我嘅愛護!」