交友Apps獵仔被封鎖 袁嘉敏人財兩失

東方日報
袁嘉敏低胸出擊剪綵,夠晒搶Fo!

藝人袁嘉敏昨日以低胸裙到深水埗為雞煲店剪綵,在澳洲長大的她也希望做生意,有興趣經營有關天然、有機產品的生意,她笑說:「之前有人搵我做隆胸代言,話唔使真係做手術,用我張相就得,咁做好唔誠實,有欺騙成分,所以都推咗,損失幾十萬。」

講到感情生活,她指沒有拍拖,中秋要自己賞月:「幾年前已經有朋友叫我用交友Apps去認識朋友,好似原子鏸都係咁樣識到依家個老公,今年心口掛個勇字試吓用,點知畀個Apps封鎖咗我,連300蚊月費都唔肯退番畀我,網友話可能之前有人用過我張相去開一啲假帳號,所以見到我張相就即刻封鎖咗我。」她指過去在社交網也試過有人冒充她身份,雖然沒有牽涉到金錢,但也影響其聲譽。