【亞洲電影大獎】勇奪最佳女配角!惠英紅 即po比堅尼照找數

東方新地 - 娛聞

去年曾獲「卓越亞洲電影人大獎」嘅惠英紅,今年憑電影《翠絲》奪得亞洲電影大獎嘅最佳女配角,小紅姐早前揚言若再獲獎,要上載比堅尼相,她得獎後言出必行,找回上年私人珍藏的泳照「找數」,仲上載素顏照!

 

撰文:東方新地 圖片:惠英紅Facebook、新傳媒圖片

延伸閱讀:

20位女星素顏大公開!59歲惠英紅真面目示人!

【福爾摩師奶】「有力嫂」黃穎君係中大碩士生 老公仲係大台監製

惠英紅勇奪最佳女配角

惠英紅憑電影《翠絲》獲得亞洲電影大獎最佳女配角,她在台上致感謝詞時說:「能夠同咁多優秀電影人合作,真係莫大嘅榮幸,多謝監製舒琪先生同導演對我嘅信任,黑仔(姜皓文)、BEN哥(袁富華)等信任,特別多謝大會,我知評審好辛苦,頭先見到陳冲小姐(評審主席),佢都好攰,條頸好痛。」

小紅姐於後台接受傳媒訪問時話:「之前講過攞到獎要上載比堅尼相,依家要找數,要快啲返屋企搵相,如果唔係甩大牙,我呢個年紀甩牙好慘!」佢話啲相都係上年影嘅私人珍藏,仲話好驚幾十歲上載比堅尼相後收到好多負評,笑言個樣同比堅尼都要打格仔!

問到有冇信心攞金像獎?她說:「我不嬲都催眠自己話好有信心,攞唔攞到係另一回事,輸人唔輸陣嘛!」

果然她昨晚於IG貼出一張身穿黑色泳衣的大頭相,並留言:「君子一言駟馬難追,話找數就找數!」

正當網民大讚她是找數女漢子後,小紅姐再於IG貼出一張泳照,寫道:「點會咁簡單,再嚟一張全身,找數找數!」穿上紅色三點式的小紅姐躺在泳池邊曬太陽,網民激讚她身材好好,保養得宜!

惠英紅親演腦退化母

惠英紅唔止身材好保養得宜,仲係孝順女一名,她主演嘅《幸運是我》中所飾演嘅角色原來正正係佢嘅母親。惠英紅工作雖繁重,但仍堅持與母同住。其母於五十多歲時患上腦退化症,可惜當時惠英紅懵然不知。直至七十多歲,一次跌傷後,惠英紅才發現母親病情嚴重,令佢非常內疚。所以她佢定出演此電影,希望以過來人身份令大家能夠關注腦退化症,給予患者多點關懷。

孝順

惠英紅三度稱后

惠英紅之前憑英皇電影《幸運是我》,擊敗鮑起靜、湯唯等對手,勇奪金像獎「最佳女主角」,亦係小紅姐第三次奪得呢項殊榮!

小紅姐一上到台已哭成淚人,因為故事其實想送俾佢有老人痴呆十幾二十年的媽媽,而電影正正呼籲社會大眾多關心老人家。

小紅姐唔止keep得好好,而且好有衣著品味!

小紅姐打女形象深入民心,89年28歲嘅佢為證明自己可以走文藝風,擺脫武打女星的包袱,為青春留倩影,接受香港版《PLAYBOY》雜誌邀請到法國拍露點寫真集《惠英紅巴黎寫真集》,每本賣100元,銷量高達15萬本,人靚景靚身材都好靚。

着上喱士內衣嘅小紅姐,擺出呢個海棠春睡姿勢,極具誘惑魅力。

延伸閱讀:

王祖藍李亞男宣布囡囡中文名 眾星齊賀B女百日宴!