五日內兩度變樣 廖碧兒惹變臉疑雲

可唔可以講話女大18變?

現年41歲廖碧兒(Bernice)由幕前轉做商界女強人,將紅酒生意搞得有聲有色,經常香港同加拿大兩邊飛,不過佢都唔想令喜歡佢嘅粉絲失望,閒時抽空返港拍攝ViuTV劇集同埋經常將靚相上載到社交網,慰勞一班粉絲。

3.8嘅廖碧兒有啲似張寶兒。
3.10呢張又變番真嘅廖碧兒。

不過最近Bernice喺3.8婦女節上載嘅雪地新相就惹來變臉疑雲,戴住冷帽嘅佢,真係差啲認唔出佢係廖碧兒,有啲角度睇仲有啲似張寶兒添。隨後幾日Bernice都有陸續上載新相,但又變番做廖碧兒,咁可能婦女節當日P圖重手咗少少,不過到咗今日廖碧兒張相又變咗鄭希怡同霍汶希嘅混合體,再度惹來變臉疑雲,其實應該都係角度問題啫,大家無謂再作揣測喇!

3.13嘅廖碧兒變鄭希怡同霍汶希嘅混合體。