于淼驚被人打 搵監製做擋箭牌

東方日報
黃浩然、陳寶華與于淼讚王梓軒演出精彩。

於熱爆劇《多功能老婆》飾演最強小三「顏成功」一角而上位的于淼,前晚搵劇集金牌編劇兼監製陳寶華做「擋箭牌」,孖住「情人」黃浩然,大搖大擺捧同劇演員王梓軒的演唱會尾場。

演唱會開Part 2

梓軒得知三人是座上客,即問全場觀眾可有睇《多》劇,全場大叫「有」,他抵死說:「我明白寶華姐要坐喺中間,因為『顏成功』同浩然坐埋一齊,可能被人打,哈哈!」並感謝陳寶華的劇本出色,又有機會跟前輩梁舜燕合作。至於林奕匡、龔慈恩母女及林盛斌等亦有捧場。

梓軒在台上感觸表示,一連兩場個唱籌備逾半年:「想令大家開心,正正就係我哋演唱會最重要嘅其中一個主題。」慶功宴上,他宣布個唱將開Part 2:「今次未玩完,頭先屈咗啲投資者,佢哋應承『落疊』,我哋下一站見。」

他表示開兩場只算熱身,有點意猶未盡,不過明白現今市道開騷不容易:「全香港嘅朋友都面對緊一個好困難嘅時間,但大家選擇交託時間、快樂同精神畀我哋。」最有滿足感是每位離場的觀眾帶着喜悅、正能量及希望,梓軒覺得總算暫時完成任務,期間更多謝緋聞女友、薛家燕囡囡石祐珊。

王梓軒坦言只開兩場個唱唔夠喉。