于淼愛到攞命 千嬅自強:重新嚟過!

東方日報
憑角色「最強小三顏成功」彈出,于淼笑言好彩冇嚇怕身邊男士。

無綫台慶劇《多功能老婆》故事發展至結局周,多位主角「最終命運」引起不少網友及視迷討論。由楊千嬅飾演的藍飛發揮「強人本色」,決定了日後自己的人生路,並於多年後與「榮浩田」周柏豪於街角重逢。而「萬風華」陳煒則因另一半王梓軒身故,選擇離開傷心地,觀眾追劇時記得自備紙巾!

「藍飛」千嬅與「尚劍雄」黃浩然、「榮浩田」周柏豪的三角關係糾纏不清,尚劍雄的無賴引得視迷「破口大罵」。劇集僅餘三集,將再高潮迭起,尚劍雄得知藍飛無意回頭,即提出爭兒子的撫養權,浩田眼見藍飛痛苦,自己亦不是味兒,之後得父親「聲隆」黃錦燊支持他全力尋找屬於自己的幸福,浩田亦答允赴外國完成醫學課程,他與藍飛在互相祝福中分道揚鑣,數年後於街角重逢。

但要數最虐心的一對,則非「君明」王梓軒及「風華」陳煒的姊弟戀莫屬。君明對風華無限付出,即使遭養母梁舜燕制裁,仍堅決與至愛長相廝守,令于淼飾演的「最強小三」顏成功懷恨在心,設計讓藍飛知道風華與劍雄曾有一腿,又展開報復引君明等上船,豈料君明最終死亡!風華萬念俱灰打算離港,卻收到君明送給她的求婚禮物,幕幕溫馨場面重現眼前,此時藍飛趕到機場,好姊妹終於冰釋前嫌,可謂苦中一點甜。

「藍飛」搵番自己

劇集即將播到尾聲,收視曾達27點,相當不錯,女主角千嬅大感不捨,又慨嘆時間過得快:「當中付出咗幾多並唔重要,最大嘅滿足感係將『藍飛』活化,發放正能量。好開心能夠遇到呢個劇,希望港劇加油!(覺得結局點?)鍾意,藍飛可以重新開始嘛!其實每個人需要幸福嘅同時,都要搵啱人,最重要係搵番自己。」

「大奸角」于淼最終亦得不到至愛,她堅決不肯劇透,只說:「顏成功太好勝同任性,上帝係公平嘅,好多嘢唔係人可以主導,佢成日覺得好多嘢可以用錢買,但其實感情唔可以。」她感謝一班出色的台前幕後,並希望日後再有合作機會。昨晚她與劉溫馨以教友身份,坐電車由西環出發沿途報佳音,並興奮地說:「今年加入教會,係第一次報佳音,事前有練歌嘅,自己都會同朋友開聖誕派對。(想識男友?)希望啦!(擇偶條件?)要有共同信仰、鍾意藝術同有上進心,其實我都有傾得埋嘅異性朋友,但未去到拍拖階段。(你個角色嚇親啲男仔?)唔會,佢哋知道唔係我真實性格,大家有一齊討論角色,佢哋話嬲到想打爆電視喎!(依家出街畀人鬧?)未試過,觀眾都話鍾意我嘅演出。」

場地:滝 Raki Japanese Fine Dining

于淼與劉溫馨結伴與教友坐電車報佳音。
楊千嬅與黃浩然對劇集進入尾聲,齊呼不捨!