于淼女配首選吳若希

東方日報
于淼期望《多》劇膺「最佳劇集」。

男、女配之爭同樣激烈,憑《多功能老婆》角逐最佳女配角的于淼,問到是否有信心得獎?她說:「平常心,去睇Show,對劇集好有信心。男、女配角我會揀洪永城同吳若希,因為呢套劇好多演員嘅演出都有突破,洪永城好有喜劇感,吳若希同黃嘉樂嘅感情戲亦令人感動。(點解唔揀自己?)因為只能夠揀一個,如果可以揀兩個,我會揀埋自己(O架)!同埋我覺得監製寶華姐嘅劇本好好,令好多演員畀人睇到唔同一面,好有發揮,所以希望部劇攞『最佳劇集』。」

張彥博率先投降

至於憑《金宵大廈》入圍最佳男配角的張彥博直言冇信心:「攞獎要實至名歸,我仲需要多啲時間去累積經驗。如果要我投票,我會揀同我合作嘅劉老師(劉江),佢嘅演技係公認,女仔就會揀譚凱琪,佢喺劇入面同陸永做得好好!」