《二月廿九》熱播中!張松枝演得到位 演技備受讚賞

張松枝

由吳海昕、徐天佑及劉俊謙主演嘅ViuTV穿越劇《二月廿九》正在熱播中,劇集深受網民歡迎。劇情及劇中主角都成為網上熱門討論話題,當中包括飾演Yeesa(吳海昕飾)爸爸辰叔嘅張松枝。喺劇集初期,辰叔係一個經常酗酒及對女兒發牢騷嘅蒼老爸爸。而近呢兩集佢就有相當重嘅嘅戲份,因為講述喺1992年落大雪嘅北海道,辰叔與亡妻因小事嘈吵,而令亡妻突然作動,亦因大雪未能到醫院而到周邊神社求助,亡妻更向神社求助時表明自己願意,用任何方式代價換取誕下平安健康嘅Yeesa,但就令自己不幸難產離世。呢件事上令到辰叔一直責怪自己唔能夠俾一個完整家庭Yeesa,令佢一出世已經失去母親。

現年52歲嘅張松枝,喺1995年加入無綫,經常喺劇集飾演二世祖或奸角,所以有「御用二世祖」嘅稱號。至2012年,佢決定離開無綫,轉投香港電視網絡,但可惜港視不獲發牌。之後出面有好多機會等佢,例如同周潤發(發哥)拍電影、為港台、ViuTV、網劇及去內地拍劇。其實除咗《二月廿九》之外,張松枝之前仲有喺ViuTV嘅劇集《三一如三》、《身後事務所》及《黑市》演出。

睇完《二月廿九》近兩集後,唔少網民都認同佢嘅演技,紛紛激讚佢嘅演出,仲有網民提議加拍張松枝嘅番外篇。另外,唔少網民都俾留鬚染白髮嘅張松枝呃咗,以為佢已經好老。點知年輕版嘅辰叔突然登場,唔少網民都話佢深藏不露,大讚張松枝保養得好好、有型又靚仔,仲話張松枝好似孔劉添呀!

張松枝
張松枝
張松枝