事業再創高峰突然退隱!謝安琪親揭從未曝光原因

突然退隱原來因為咁!

歌手謝安琪(Kay)最近為音樂人Jerald主持嘅網台做嘉賓,重提當年突然退隱原因!2016年再創事業高峰期嘅佢選擇暫別樂壇,除咗係因為想再生BB外,原來仲要另一個從未公開講過嘅原因,就係因為聲帶出現問題,突然間唱唔到歌:「嗰幾年真係對自己冇信心,我直頭係聲帶有事!我個音域係中間冇聲,係一個好奇怪現象,一係你好低音,一係你唱唔到高音,當時我情況係唱歌突然間唱唔到!」

Kay事隔多年重提當年點解暫別樂壇!

雖然佢有去睇醫生,睇過耳鼻喉科同照埋聲帶,但都話冇問題,醫生就話佢壓力好大:「『你最需要休息,你將唱歌放埋一邊。你唔會講講吓冇咗一粒音,點解唱歌會發生呢?』個一刻我決定休息,但呢件事冇同人講過!」

突然唱唔到歌真係擔心…
唔好畀自己咁大壓力呀!

喺同年9月佢宣布再度懷孕,誕下囡囡後專心相夫教子,但休息不足3年就復出,當初佢預算休息一段漫長時間,但喺2019年決定再開演唱會!事隔3年再開踏紅館,佢多次直言「好驚」:「我對上一次演唱會完咗直接休息,我咁多年後我第一次企返台上我驚到不得了!」幸得Jerald陪伴,佢個心先定一定!

當年開完騷直接休息!
2019年復出即刻開騷!
如今一家四口非常幸福!
享受生活!