《亂世情侶》歌曲音樂平台熱爆 古巨基撐定欣:想出歌我幫你做!

香港01
1 / 1
《亂世情侶》歌曲音樂平台熱爆 古巨基撐定欣:想出歌我幫你做!

古巨基、胡定欣今晚(16/3)出席在將軍澳電視城舉行的《博愛歡樂傳萬家 2019》活動,兩人更同台合唱新歌《亂世情侶》,為博愛醫院籌募善款。首合唱歌嘅誕生原來係有段故事,定欣就話:「當初阿基仔邀請我去拍佢嘅MV做女主,之後出嚟嘅效果大家嘅反應係好鍾意,之後有粉絲話我哋點解唔嚟過合唱版呀,因為亂世情女係一對,咁我哋都諗下又係喎,之後基仔就話希望可以喺情人節嘅時候送畀大家。」

基仔透露這首合唱歌由2月份發佈至今,持續在音樂平台上點播奪冠:「我哋公司嘅同事每日都睇住個走勢,今次佢哋話首歌嘅反應係超爆,真係好多謝鍾意首歌嘅朋友同定欣。」(成績咁好,定欣有冇諗住做歌手?)定欣指住基仔話:「如果有人得閒幫我監製一下就做囉。」基仔笑說:「如果你想做你自己嘅碟及歌呢,我幫你做冇問題。」

點擊瀏覽《香港01》更多內容和圖集

你可能感興趣:
謝霆鋒中環擺花街地鋪租值「蒸發」兩成 古巨基同街地鋪亦跌5%
【亂世兄弟旅行團】同森美玩18禁玩具 古巨基親試生命中最辣食物