【乜代宗師】黃子華農夫唱《上善若水》 棟篤金句入詞隱藏怒火?

【乜代宗師】黃子華農夫唱《上善若水》 棟篤金句入詞隱藏怒火?

黃子華自編自導自演的賀歲片《乜代宗師》,今日釋出主題曲《上善若水》MV,由黃子華、農夫合唱,C君作曲,農夫作詞。子華今次化身 Rapper,孖住農夫玩說唱。而一看歌名,好明顯是要帶出「Be Water」這個訊息,亦同樣是今次電影的主題。

原來歌名《上善若水》同樣是電影的主題,亦跟李小龍「Be Water」哲學同出一轍。事實上在戲中,子華亦有將李小龍這套理論放進劇情,而聽到今次的歌詞,的確句句金句,大講武術中的流水哲學。子華和農夫幻想自己是離開井的井水,遇到高山低谷、順流逆流,化身成水的不同形態。

「上善若水」取代獅子山精神若果以這武學理論去形容近年香港人狀況,亦相當貼切。始終香港人出名靈活變通,亦有如流水一樣的特質,可攻可守,歌詞中提到「守嘅時候可以細水長流 到我攻 有如洪水猛獸大浪冚過頭」。即使面對高山峻嶺,也可以輕鬆流過,「前面幾困難有幾咁難行幾咁閒」,遇框拆框、遇灣轉彎。假如有天大路走不了,大不了走小徑,「正面進攻 水洩不通 我就劍走偏鋒」。水可以退,但「水流 到最後又流返返去源頭」,永遠在宇宙中循環,生生不息。這就是流水無敵之處,上善若水。歌中亦有勉勵大家要放開成見,認清世界的真相,要如明鏡止水般澄明,不要如電影的口號般「假作真時乜都假」。過去常言道香港人有「獅子山精神」,也許今天香港人更具備「上善若水」的智慧。

「請你好好放低」隱藏怒火?另外,歌詞中亦引用了子華以往棟篤笑的經典金句,唔係「搵食啫,犯法呀!」,而係「請你好好放低」。自從子華金盆𠺘口不再做棟篤笑後,很多子華迷非常記掛他抵死而充滿哲理的表演,能夠在這首新歌聽到「請你好好放低」,實在帶點慰藉。但大家又記唔記得這句金句,其實是出自子華在棟篤笑中,教人用一個較「斯文」的方法去講粗口,代替最粗俗,傷害性最高的六字「粗口」,所以放入歌詞中,可見仍帶有隱藏的怒火。不過,順從子華神的建議︰「請你好好放低」,其實就咩問題都解決到。

《上善若水》歌詞如果 有高低有光輝有式微有崎嶇有喜都有悲有乜嘢出奇上善若水 攀山過嶺乜水 都可以 係宗師MY FRIEND如水 結冰川去滄海去桑田東邊到西邊到天邊再伸延上善若水 覆舟載艇乜水 都可以 係宗師MY FRIENDMY FRIEND 我離開咗個井成為水 我可以穿州過城前面幾困難有幾咁難行幾咁閒我拆散 自己過框 過幾個關 轉幾個灣就算係順流 逆流上流下遊 宇宙嘅盡頭冇人可以左右 覆水難收守 嘅時候可以細水長流到我攻 有如洪水猛獸大浪冚過頭流水淙淙 來去匆匆無邊 無際 無偏見 無介蒂有乜嘢問題都冇問題 我請你好好放低最強嘅武功 上善若水嘅心胸正面進攻 水洩不通 我就劍走偏鋒無最巔峰 一杯水斟一半 唔會自滿不停去轉 不停去變不停去鑽研 不停去轉變成為一道清泉山長水遠 連綿不斷源遠流傳 海納百川如果 有高低有光輝有式微有崎嶇有喜都有悲有乜嘢出奇

Page 2 of 2

上善若水 攀山過嶺乜水 都可以 係宗師MY FRIEND       如水 結冰川去滄海去桑田東邊到西邊到天邊再伸延上善若水 覆舟載艇乜水 都可以 係宗師MY FRIEND舉頭 望望 茫茫 宇宙水流 到最後又流返返去源頭上善若水 各路英雄選手上乘嘅武功 又駛乜嘢用拳頭真正嘅五湖四海為一家唔打 都分得出高下 要打 亦從來唔怕可以巨浪淘沙 或者變流水送落花不為執迷嘅世道服務逐步獨步天下明鏡止水嘅清晰 古老江河嘅經歷滴水穿石嘅努力 化做從容不迫嘅一招一式從來冇無敵人 只因無敵冇色 冇味 冇形式 無忌變成冰 變成氣 變成兵器變做甘露 嚐一口拂一拂衣袖 留一手哼一首 水調歌頭一出手 化敵為友以滋養萬物為首以無法為有如果 有高低有光輝有式微有崎嶇有喜都有悲有乜嘢出奇上善若水 攀山過嶺乜水 都可以 係宗師MY FRIEND       如水 結冰川去滄海去桑田東邊到西邊到天邊再伸延上善若水 覆舟載艇乜水 都可以 係宗師MY FRIEND

點擊瀏覽《香港01》更多內容和圖集