【乖乖女欣欣成功入屋】邵珮詩離開《開心速遞》感不捨

無綫一向鍾意捧港姐,就好似陳凱琳、蔡思貝及劉佩玥等等,雖然佢哋好多未夠火候,不過仍然經常做女主角。為咗令佢哋快啲入屋,無論點比人鬧都繼續力捧,驚死你唔識佢哋!近年冠軍陳凱琳、麥明詩、馮盈盈同今屆嘅雷莊兒你都冇可能唔識,不過2014年冠軍你又諗唔諗得起係邊個呢?介紹返,其實2014年冠軍係邵珮詩,外貌甜美、經常喺社交網站晒身材,仲要畢業於加拿大名牌大學Simon Fraser University 心理學。不過簽約無綫後就冇咩機會發揮,最為人熟悉都係參與處境劇《愛回家》,分別係《八時入席》中飾演黎耀祥嘅下屬殷欣同埋喺《開心速遞》飾演欣欣成功入屋。不過最令人印像深刻嘅一定係佢喺台慶無懼「限奶令」,著咗一件超Deep V晚裝裙騷八字胸,成功蓋過一眾女藝人風頭,亦同時令網民對佢刮目相看。

不過可惜啱啱俾佢等到喺《開心速遞》做主角,佢就喺社交網站寫到:

被傳媒問到係咪會離開劇組,佢就話第231同232係最後兩集(即係大約下年二月出街),但係佢好開心,因為終於可以做主角。同時佢亦話好唔捨得,因為兩年嚟都係喺11廠拍《愛.回家》,同一班幕後工作人員有好深嘅感情。同時佢亦否認被踢出劇組,仲話公司安排咗其他劇集俾佢,係時候要出去闖下。

睇嚟上次騷八字胸反而令佢多咗機會,唔使局限喺做乖乖女同傻大姐角色。唔怪得知之前已經有巴打評論佢騷胸嘅時候就話觀眾就快唔知佢係港姐冠軍,而家唔搏,以後做臨記都得。佢果然有遠見呀!