主動出擊同Bob對親家 陳敏之承諾給機機做千億新抱

陳敏之和Bob兩家飯聚,好讓子樂向機機施冧功。(ig圖片)

【星島日報報道】林盛斌(Bob)育有3女1子,4歲細女林機兒 (機機)更被指與內地女星周迅撞樣,陳敏之就爆其2歲囝囝雷子樂好喜歡姐姐,之前同吳若希爭做Bob親家,轉頭敏之已主動出擊。

話說Bob今日在社交平台上載兩人家人飯聚片段,主角是坐在一起的子樂和機機,Bob吹波助瀾叫子樂望住機機,子樂果然冧爆望住姐姐仔,仲愈望愈埋,身邊的大人都在起哄,子樂傻傻的不明所以,機機卻來個嫣然一笑,就連胡定欣跟其他網民都話「最後的笑容係重要」、「小周迅個反應真係好正」。

Bob就留言:「嗱,敏之,大家咁熟,我收順少少嘞,三千萬禮金,兩層貝沙灣唔少過千五尺嘅,唔一定要海景,求其高層園景我都ok,最後擺酒嗰晚d(啲)人情唔駛(使)分男家女家嘞,總之條大數我八你二,你ok就擇定日子再聯。」

敏之就轉載條片,回應Bob說:「喂呀...我哋咁熟...我點會出手咁低呀!閒閒地我都要機機做千億新抱啦!係....我承認...我個仔係鍾意靚女...所以見到小周迅實在係好難忍!頭親事就咁話啦!」

睇更多