【中年危機】急燥趙學而曾患情緒病:要錫自己多啲

趙學而患上情緒病後,多得林一峰、黃偉文在事業上的幫助。

【星島日報報道】趙學而作客TVB娛樂新聞台節目《StarTalk》接受專訪,大談將舉行首個紅館演唱會及入行多年的感受。她說:「紅館大咗,擔心自己體力能否應付,亦緊張自己表現,所以要練氣,我有跟老師上堂學唱歌同玩空中瑜伽練肌肉,肌肉緊啲身型都唔同啲,著衫會好睇啲。」

提到趙學而心態有所改變,她坦言10多年前拍《皆大歡喜》期間勁急燥,「以前拍《皆大歡喜》時個人急得好緊要,謝天華叫我做狂燥婆婆,所以一下子停落嚟,成個人有啲迷失,有中年危機,患上情緒病,多得林一峰喺工作同生活上嘅指引,當時同佢合作做咗《一期一會》音樂劇,係佢哋嗰團火刺激到我,而黃偉文搵我翻唱《最佳位置》亦喺事業上幫到我好多。」心境變平靜的趙學而感言在工作上不會刻意追求太多成果,「有工作就去做,我係一個隨遇而安嘅人,我同我老公步伐一致,大家都係慢活嘅人。去到呢個階段,人又嫁咗,要錫自己多啲,享受下靜落嚟嘅時間,就算有幾多困難都會過,只要搵到自己嘅心態去面對就得。」

睇更多