《丫鬟大聯盟》劉思希飾放蕩大小姐色誘謝東閔 獲網民讚賞

劉思希

無綫古裝喜劇《丫鬟大聯盟》搵咗黃心穎、湯洛雯及洪永城擔正主演。之前受黃心穎上年嘅「安心事件」影響,劇集一度淪為倉底劇,好睇最後劇集翻身成功,安排咗喺上星期開始播出。雖然唔少網民一早講咗罷睇,不過劇情輕鬆搞笑,加上劇中有唔少靚女演員,所以都吸引唔少觀眾收睇。講開靚女,劇中除咗有吸睛丫鬟「月皎」湯洛雯、「月盈」黃心穎、「桐香」陳婉婷、「美彩」周梓盈及「五常」張美妮等等之外,其實飾演霍燕貞嘅劉思希同樣搶眼,佢豁出去嘅演出成功吸引網民熱烈討論。

劉思希

劉思希喺劇中飾演難頂又放蕩嘅霍家大小姐霍燕貞,劇情講述佢鍾意咗自己嘅老師傅有為(謝東閔飾),即係月皎嘅情敵,佢頻頻佈局色誘老師,不惜性感打扮、狂摸對方胸肌及煲催情湯送上門等等,期間仲話「你想非禮就盡情非禮我啦!」及講到明自己好想失貞,務求要失身成功。不過好彩有為心入面只有月皎,所以先成功逃脫。

唔少網民睇完佢嘅演出之後,認為佢拿捏得好好,紛紛留言大讚佢演出:「笑死我」、「好睇 勾引人但又做得好funny」、「咩咩的角色很有喜劇细胞,非常好看,辛苦了,加油💪,支持咩咩。」及「做得好搞笑」等等。

劉思希
《丫鬟大聯盟》劇照
《丫鬟大聯盟》劇照