不得不佩服網民創意 港版「復仇者」邊個最適合?

超級英雄電影《復仇者聯盟3 無限之戰》自上月尾上映已經捲起熱話,網上亦愈嚟愈多人討論。早前韓國網民整咗個韓版「復仇者」,香港網民亦不甘示弱,改圖嚟整個港版「復仇者」,大家又滿唔滿意以下嘅人選呢?

1. 郭偉亮飾演鐵甲奇俠

有「港版羅拔唐尼」之稱嘅郭偉亮(Eric Kwok),幾年前扮「Iron Man」拍廣告而人氣急升,搵佢嚟飾演應該冇人會反對。

2. 徐錦江飾演雷神

當中梗係有同雷神撞樣嘅徐錦江啦,網友曾經將徐錦江個樣P上雷神劇照,完全無違和感。

3. 朱茵飾演黑寡婦

性感嘅黑寡婦由香港性感女神朱茵飾演,當然最適合不過啦!

4. 羅莽飾演變形俠醫

當感到憤怒時,變形俠醫會變成具有無窮力量嘅綠色巨人。羅莽身形一樣大大嚿,同變形俠醫有幾分相似。

5.吳彥祖飾演美國隊長

又高又靚仔嘅吳彥祖最啱做美國隊長。

7.家燕姐飾演幻視

網民一見到對薛家燕額前的大痣,就立刻聯想到幻視額前的心靈寶石,不過家燕姐已經化身做「十字步女俠」啦喎~

8.陳豪飾演黑豹

網民見到劇集《天與地》中嘅劇照,令人聯想到黑豹。P圖後,兩者更加似。

9.彭于晏飾演StarLord 

有網民覺得彭于晏飾演StarLord ,不過亦有人覺得佢太靚仔,無starlord嗰陣麻甩味。

10.  簡慕華飾演Gamora

星際異攻隊隊員兼Thanos嘅養女Gamora,經網民改圖後由簡慕華飾演,真係幾適合喎~

除咗以上人選,大家覺得邊位香港演員適合演港版《復仇者聯盟》呢?

 

圖:LIHKG 討論區