不和升級龔嘉欣朱晨麗宣傳冇影!

東方日報
身為主角,龔嘉欣(左)同朱晨麗卻雙雙缺席活動。
(資料圖片)

藝人何廣沛、江嘉敏、于淼及黃嘉樂等,昨日出席活動宣傳無綫劇集《大醬園》,眾演員無懼武漢肺炎肆虐,統統沒戴口罩。傳不和的朱晨麗與龔嘉欣齊齊缺席,朱朱的緋聞男友何廣沛為她們打圓場:「佢兩個好忙嘛!主角忙係正常。」原來朱朱身在內地,問到有否關心她的健康狀況?何廣沛說:「知道內地好多相應措施,同埋停工。佢一切安好,有覆我Message,仲健在。(佢返嚟要隔離14日!)咁咪有排見唔到囉?哎呀!宣傳唔到好大鑊喎!不過我唔知佢幾時返。」

于淼感冒流鼻水

至於于淼抱恙在身,受訪期間不停索鼻水,又沒戴口罩,她表示只是少許感冒,着大家不用擔心。她又透露母親過年前已從海南來港團聚,預計2月中才離開:「佢日日喺屋企睇新聞,叫咗佢唔好出街,就算出去都要戴口罩,同埋用酒精消毒。」

此外,與電競高層熱戀中的江嘉敏,被追問何時派雙封利是?她即甜笑說:「咁快?拍咗年幾,仲係熱戀期,依家係工作搏殺期,所以未有任何計劃。」

何廣沛同黃嘉樂煎年糕,黐埋一堆!
江嘉敏揚言全力搏殺,未咁快派雙封利是!
疫情嚴峻,于淼叮囑母親要加倍注意衞生。