下一站歌后?「希望有自己作品」

東方日報

演技達「視后」級的胡定欣,其實歌喉亦相當不俗!1999年,她曾參加《全球華人新秀歌唱大賽》並進身四強,雖然近年主力拍劇,但亦唱了不少劇集主題曲及插曲,包括與陳展鵬合唱的《城寨英雄》片尾曲等,年初更為歌手蘇永康的紅館演唱會擔任嘉賓,4月時又到雲頂開了演唱會,歌藝沒有白白浪費。

對於下一個目標,定欣希望有人為她寫歌:「上年係踏出第一步,要一路進步,有機會就要不斷嘗試,唔會框住自己。我唱過好多劇集歌,但係登台都係唱人哋嘅歌,好希望有一首屬於自己嘅歌!之前去馬來西亞唱咗個騷,十幾首歌,滿足感好大,希望喺香港都可以。」