下月結婚陳山聰請伍詠薇飲

東方日報

陳山聰現時人氣甚旺,演出的劇集受熱捧,被指是今年「視帝」大熱的他下月一日便結婚,人逢喜事精神爽,昨日他更與「家姐」伍詠薇食晏兼派帖!

對於現時《金宵大廈》開拍續集,山聰昨日受訪時坦言未正式接到通知要開:「續集呢樣嘢交畀公司決定,我真係完全未知,但聽到呢個消息都開心,因為網民、觀眾都好鍾意呢套劇,佢哋睇得投入,我哋已經好開心,開續集作為演員都係等公司安排,又可能未必會搵番我做呢!公司咁多演員,好多人都可以做。」

問到視帝獎,山聰謙稱:「我何德何能呀!攞個『最佳老飛躍』就有機會嘅!畀個飛躍獎我都可以,不過我都想施嬅攞視后,亦非常希望呢套劇可以攞『最佳劇集』,咁已經好開心。」