1 / 2
港鐵大癱瘓 森美再次聲音演出為大家減壓

上個月超強颱風「山竹」吹襲後,全港滿目瘡痍,造成交通大癱瘓。政府冇宣布停工,一班打工仔唯有千方百計「搵路」返工,唔少打工仔都覺得好無奈同一肚怨氣。有網民將悲憤化為創意力,將交通癱瘓及一個打工仔面對住塌樹嘅相片改圖模仿電影海報,有網民仲將相片及短片剪接模仿電影預告,創意十足!估唔到事隔短短一個月,港鐵遇上前所未有四綫信號系統故障,服務嚴重受阻,唔少市民塞喺港鐵站上唔到車,想返工或返學都好難! 噚日朝早,已經有網民將交通大癱瘓嘅情況P圖成電影海報,名為《返工2.0》。而森美亦到好似上次咁聲音演出呢個《塞爆列車》電影預告,佢喺社交網站上載預告片並留言話:「今朝塞車塞咁耐,忍唔住又創作一段同大家分享吓,寫低香港人嘅返工實況,等大家苦中作樂,幫大家減吓壓。段聲喺whatsapp度個個都傳,朋友就幫我做返片,希望大家都開心返,聽日再「返工」!」片段完美道出打工仔同學生等搭車嘅嘅辛酸! 旁白內容如下: 繼《返工》之後,香港市民又一巨獻《塞爆列車》!究竟你有幾想返工,俾你一試就知道,一次普通嘅路程,點樣可以攞你命,去到車站入唔到閘,入咗閘上唔到車,上到車唔閂門,閂咗門架車唔開,車開咗佢又停,停咗佢又唔開,開咗佢又停,停咗佢又唔開,開咗佢又埋站,埋站佢又唔開門,開門佢又唔閂,不停輪迴幾世都未到!老細一早返到,所有員工失晒蹤,大叫搞錯減人工,全港市民反眼演出,大人細路傾力擠迫!返工返學好容易,等你試吓塞到懵!《塞爆列車》10月16號全城失蹤!本片青少年及兒童終於到你! 預告片公開後,唔少網民紛紛留言「多謝森美,為香港人出出氣」、「十分欣賞你的敢言!」、「真係好寫實既VO,謝謝你給我們的苦中作樂,真係好好笑」、「繼返工之後又一巨獻 森美大哥好野」、「笑死」、「終於到你XD」、「苦中作樂」及「我諗你要拍足365集」等等

上個月超強颱風「山竹」吹襲後,全港滿目瘡痍,造成交通大癱瘓。政府冇宣布停工,一班打工仔唯有千方百計「搵路」返工,唔少打工仔都覺得好無奈同一肚怨氣。有網民將悲憤化為創意力,將交通癱瘓及一個打工仔面對住塌樹嘅相片改圖模仿電影海報,有網民仲將相片及短片剪接模仿電影預告,創意十足!估唔到事隔短短一個月,港鐵遇上前所未有四綫信號系統故障,服務嚴重受阻,唔少市民塞喺港鐵站上唔到車,想返工或返學都好難! 噚日朝早,已經有網民將交通大癱瘓嘅情況P圖成電影海報,名為《返工2.0》。而森美亦到好似上次咁聲音演出呢個《塞爆列車》電影預告,佢喺社交網站上載預告片並留言話:「今朝塞車塞咁耐,忍唔住又創作一段同大家分享吓,寫低香港人嘅返工實況,等大家苦中作樂,幫大家減吓壓。段聲喺whatsapp度個個都傳,朋友就幫我做返片,希望大家都開心返,聽日再「返工」!」片段完美道出打工仔同學生等搭車嘅嘅辛酸! 旁白內容如下: 繼《返工》之後,香港市民又一巨獻《塞爆列車》!究竟你有幾想返工,俾你一試就知道,一次普通嘅路程,點樣可以攞你命,去到車站入唔到閘,入咗閘上唔到車,上到車唔閂門,閂咗門架車唔開,車開咗佢又停,停咗佢又唔開,開咗佢又停,停咗佢又唔開,開咗佢又埋站,埋站佢又唔開門,開門佢又唔閂,不停輪迴幾世都未到!老細一早返到,所有員工失晒蹤,大叫搞錯減人工,全港市民反眼演出,大人細路傾力擠迫!返工返學好容易,等你試吓塞到懵!《塞爆列車》10月16號全城失蹤!本片青少年及兒童終於到你! 預告片公開後,唔少網民紛紛留言「多謝森美,為香港人出出氣」、「十分欣賞你的敢言!」、「真係好寫實既VO,謝謝你給我們的苦中作樂,真係好好笑」、「繼返工之後又一巨獻 森美大哥好野」、「笑死」、「終於到你XD」、「苦中作樂」及「我諗你要拍足365集」等等