上位小花陳詩欣成功轉型 憑樣子甜美俘虜網民心

陳詩欣

無綫旅遊節目《3日2夜》深受年輕網民歡迎,除咗帶大家環遊世界之外,節目最吸睛嘅一定係一班女主持。節目播出以嚟,唔少女藝人喺節目中著三點式大騷身材,唔少小花更加成功彈起,當中包括陳詩欣(Eunice)。

27歲嘅陳詩欣憑樣子甜美及fit爆身形,成功俘虜一眾網民。Eunice喺2015年由模特兒轉型為歌手,同年推出第一首派台歌《感情戲》。但努力咗兩年很迷失,佢覺得歌手條路好難行,有諗過轉行,想放棄!所以想轉換跑道去無綫做娛樂新聞主播。喺加入無綫後,佢除咗有機會做主持之外,喺18年仲嘗試拍攝旅遊節目《3日2夜》,喺節目中搵到成功感。喺2018年韓國《3日2夜》中,佢表演食蟲及獻出第一次著泳衣拍攝,因完美身材而被封為「宅男女神」。近排又被安排到越南拍攝《3日2夜》,佢同鍾晴(Karlie)著住比堅尼係海灘大解放,大騷弗爆身材,連百厭猴子都對佢「鹹豬手」,一隻手伸入她的胸部。


除咗《3日2夜》,年初無綫更安排陳詩欣加入《學是學非》做主持,喺無綫出鏡嘅機會又多咗。喺噚晚,佢仲同「是非精」麥美恩及馮盈盈等人擔任《博愛歡樂傳萬家》司儀。人氣急升嘅佢,已經成為新一代宅男女神。

陳詩欣
陳詩欣
陳詩欣
陳詩欣
陳詩欣