【三角戀兼傳大肚】唐詩詠唔開心憤怒要發洩

唐詩詠睇嚟真係唔係好開心!

藝人馬國明與唐詩詠近日被指由兄妹情升呢成為戀人,有傳馬國明做第三者介入唐詩詠同陳思銘嘅感情,更搞大唐詩詠個肚。其中兩位當事人馬國明同唐詩詠都隨即發聲怒斥謠言,今日唐詩詠喺IG Story上載一張藍天白雲相片,留言:「修心,好好的過程。」之後再上載一張地下相,表示:「唔開心、憤怒、委屈,就是好好段練(鍛煉)自己的時候。每當有呢種感受時,我們可以先將情緒發洩,記住唔好加任何嘅想法。然後,慢慢地問自己為何會有這樣情緒的出現,了解一下自己。」唐詩詠似乎心情仍未平伏,正在尋求方法宣洩情緒。

唐詩詠IG Story
唐詩詠IG Story

而尋日唐詩詠上載咗張黑白照,留言謂:「當想放棄的時候,會不斷找藉口;當想堅持的時候,會不斷尋找方法。」好友黃翠如留言讚「喜歡這個你」,不過唐詩詠就自嘲天生黑面樣。

自認天生黑面樣。