三代同堂買童裝 胡杏兒挺孕肚踎地襯衫

東方日報
兩婆媳齊齊幫Brendan揀靚衫。

懷有第二胎的藝人胡杏兒深得老公李乘德寵愛,與奶奶更不時孖公仔出巡,關係融洽。早前她偕囝囝及奶奶出動睇童裝,雖然腹大便便,但無懼禁忌踎低幫囝囝試衫,懷孕七個多月依然身手敏捷。

藝人胡杏兒2015年下嫁商人李乘德(Phil),2017年誕下長子李奕霆(Brendan),現懷有第二胎、預產期七月。日前她與Brendan及奶奶現身沙田一個商場的名牌童裝店,穿鬆身衫着波鞋的她身形脹了兩個碼,為免被人認出,刻意戴帽、眼鏡及口罩包到冚。

兩婆媳有傾有講

她與奶奶在店內各有各睇,不過每當睇到心頭好就會上前詢問對方意見,兩婆媳全程有傾有講,而Brendan則坐在BB車上眼仔睩睩,非常精靈。

杏兒與奶奶左揀右揀,為Brendan挑選了多套紅色及灰色等服飾,之後杏兒走到囝囝面前,踎低將衫仔放在他身上比併,舉止輕鬆,站起來時完全不需要攙扶。她們在店內逗留了約半小時,買了多套童裝滿載而歸。

杏兒同奶奶研究一輪後,踎低幫囝囝襯衫。
Brendan四圍望,充滿好奇心。
杏兒懷有第二胎,七月就「卸貨」。