【鍾意BB着白色】Ig晒白色裙仔 單文柔暗示陀住「陳皮梅」

Ig晒白色裙仔 單文柔暗示陀住「陳皮梅」

上月宣佈懷有「小豬比」嘅單文柔(Phoebe),雖然已經肚凸凸,但前日仍然無懼,腳踩4吋高踭鞋出活動。雖然當時問到Phoebe幾時會公佈BB性別,不過佢就話:「畀多少少時間我哋,講得嘅時候一定會同大家公佈。」

說時遲那時快,Phoebe今日就喺ig story上載咗一張BB衫嘅相,仲寫住「我鍾意白色,好乾淨的感覺,唔知小豬比鍾唔鍾意」佢喺後面仲加多咗個心心眼嘅emoji。

睇番件白色BB衫,就會發現係一係BB裙,咁即係間接宣佈BB係女,咁以後「小豬比」就要改口叫「陳皮梅」喇。

單文柔喺ig story上載咗張BB衫相,留意番,係一條BB裙嚟o架(ig圖片)