【吳千語想翻撻?】林峯派定心丸拖實張馨月浪漫放狗

【吳千語想翻撻?】林峯派定心丸拖實張馨月浪漫放狗

林峯與吳千語拍拖5年,直至上年宣布分手。吳千語被爆搭上前全國政協及地產商施子清嘅孫施伯雄,而林峯就經父母安排下認識及戀上內地34D索模張馨月。不過近日有指吳千語去咗林峯細佬喺上海嘅酒吧,希望可以有機會重燃愛火。就算林峯講過7次好愛BB,但與張馨月拍拖之後,睇嚟吳千語翻撻無望,林峯更向張馨月大排定心丸,日前喺大庭廣眾之下主動拖實女友去放狗。

【吳千語想翻撻?】林峯派定心丸拖實張馨月浪漫放狗

有報道指張馨月間唔中就會嚟香港陪林峯,日前仲同林峯兩兄弟去放狗。除咗同林峯弟弟林逸洺好好傾之外,張馨月對林峯隻狗都照顧得無微不至,連餵飲水都係自己餵,搞到同行嘅工人姐姐好悠閒,睇得出佢已經成功融入林家。另外,佢見到林峯同細佬喺度密斟嘅時候,佢亦都好識做咁帶埋狗仔行開,等佢哋兩兄弟慢慢傾。喺放狗期間,林峯仲主動拖實張馨月浪漫溫馨散步。

佢哋愈愛愈高調,早前林峯已經高調帶埋女友回鄉祭祖,嗰時張馨月仲坐喺林峯媽媽隔離,之後仲傳出佢哋喺飯局上宣佈婚訊嘅消息。

【吳千語想翻撻?】林峯派定心丸拖實張馨月浪漫放狗

唔知今次高度放閃嘅林峯係想鋪路公開拍拖消息,定係想阻止千語BB嘅復合企圖呢?!