【再講誓詞】黃浩然結婚13周年 老婆KaKa公開講︰I love you

黃浩然結婚13周年 老婆KaKa公開講︰I love you

43歲黃浩然,出名係好好先生,佢同任職形象指導嘅老婆莫家嘉(KaKa),育有一對囝囝Kayden(7歲)同Ransley(5歲),一家四口經常晒溫馨,不經不覺原來佢哋結婚13年。

噚晚黃浩然喺ig度貼咗兩公婆嘅相,相中兩人好恩愛面貼面,手勢做出13嘅數字,黃浩然仲留言︰「十三年後…無論順境或逆境,富貴或貧窮,健康或疾病,快樂或憂愁,我將永遠愛你,珍惜你…這些誓言繼續不變!Happy Anniversary!」好似再講一次結婚誓詞咁。

至於佢老婆KaKa,今早同樣貼咗同一款相喺ig,同樣留咗「愛的誓言」,佢寫住︰「13年,我們要慶祝的是過去和未來,所有一起共同度過的日子,不論是快樂、順境、悲傷、生命、病危、逆境。還是每天努力不斷學習彼此的生活和成長,因為有了這些,我倆更懂得彼此之間在心底裡和家裡的重要。不論再過多久,我還是要每天告訴你…hey you @wonghoyinraymond “I love you”」 公開同老公講I love you,晒恩愛。

黃浩然同老婆KaKa結婚13周年。(ig圖片)
佢哋分別喺ig貼相,仲再講結婚誓詞。(ig圖片)
兩人經常晒恩愛。(ig圖片)
早前黃浩然生日,一家四口好溫馨。(ig圖片)